सुटू द्यावे
*******
असते सदैव साथ का कुणाची सुटतात हात सुटू द्यावे ॥
खेळ जीवनाचा पहायचा किती
मिटतात डोळे मिटू द्यावे ॥
हातात नभाच्या असतेच काय
फुटतात मेघ फुटू द्यावे ॥
येता ऋतूराज फुलतात वृक्ष
जगतास गंध लुटू द्यावे ॥
सरताच ऋतू गळतो बहर
विटतात रंग विटू द्यावे ॥
येताच भरून सुचतेच गाणे
हृदयात दुःख उमटू द्यावे ॥
सुखाचे दुःखाचे चीर जीवनाचे
मनाला तयात लपेटू द्यावे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
